توقف عند تلك النقطه

بأذن الله هقول استوب للكتابه فى المدونه خلال الفتره دى الى ان تنتهى فترة الامتحانات وتعدى على خيروسأعود للكتابه فى الحالات القصوى للا عتراض على اى شئ وربنا يكرمنا جميعا وتكون الامتحانات سهله وبدون غش وتنتهى بالنجاح اللهم امين

برافو هوه ده اللى احنا فالحين فيه

بلا سبب بنتكلم من غير هدف ولا نحسب كلامنا شوفنا شباب بيموتوا وشباب بتغرق وكل ده بسبب الهجره الغيرشرعيه واب وام وزوجه اتشردوا بعد اما دفع الشاب دم قلبه فى السفريه اللى كان بيحلم انه هيستر اخواته البنات ويجوزهم او اب كان بيحلم يجيب لأبنه اللعبه اللى عايزها وقلب أم مفطور من البكاء على ضناها واحنا يطلع الوزير ويختلف مع الفقيه الفلانى لان الفقيه قال دول شهداء وطبعا الوزير مش عاجبه ازاى يكونوا شهداء دول مسا فرين سرقه وازاى بيخالفوا قوانين البلد والمفروض يطيعوا ولى الامر واختلفنا ده شهيدولا مش شهيد طيب يا عم الحج تعالى نبص فى غيره هيعمل كده تانى ليه الشباب ناقصهم أيه وانه مكنش مسافر يتفسح ده مسا فر يكافح ايا كان اللى عملوه صح ولا غلط نعرف سببه ونصلحه عشان غيرهم ما يرموش نفسهم فى النار وشاب يقول بدل ما انا عايش ولا فى شئ بعمله ولا بقدم شئ يقولك اسا فر واموت شهيد أفضلى هى السياسه الجديده نقدم شبابنا للموت بطريقه غير مباشره نيئسهم فى الحياه ومفيش شئ يعملوه وبعدين نقول مات شهيد او لاء وان كان الغلط على الشباب فالغلط الاكبر على الدوله وولى الامر اللى بيراعانا اللى موفر لينا لقمه وهدمه ورأى حر ولو بصينا على اللى غرقوا فى الهجره الغيرشرعيه فهوه هدفه الاول والاخير يعرف يعيش مستور لانه لسه موجدش الستر فى بلده الستر ياااارب

مولد أبو حصيره اليهودى بالبحيره

اه فعلا فيه مولد أبو حصيره يخص اليهود فى البحيره وقصته ان شخص يهودى قال هموت يوم كذا وبقدرة قادر مات فعلا فى اليوم اللى قال عليه يا سلام أفلام قديمه وملهاش لازمه المهم مش ده موضوعنا موضوعنا ان حضرات اليهود لما بيجوا البحيره عشان يحتفلوا بيشربوا خمور ويعملوا اعمال فاضحه واعمال لا تنم عن الاخلاق اصلا يعنى عاملينه غرزه وطبعا لما اليهود بيزوروا ابو حصيره بيكون فيه قوات امن مشدده ان اهالى البلد بتدخل بلدهم بنظام معين تحت رقا به مشدده جدا يعنى احنا كنا نقصينهم وانا مش عارفه ازاى فيه مسلمين سا كتين على الوضع ده ومين دول اصلا اللى يحتفلوا عندنا يعنى يقتلوا اهالينا فى فلسطين ويحتفلوا عندنا ده ايه الجبروت والصمت بتاعنا ده وبكره هيكون فيه مش عارفه مولد مين ومولد حد تانى من اليهود لحد لما يوصلوا للى عاوزينه بس لما هما بيجوا بنعاملهم ان هما اللى ليهم السياده ويعملوا اشياء منا فيه للا داب واهل البلد اللى دى بلدهم اصلا يطلع عنيهم ويشددوا عليهم الرقابه من غير سبب حتى لو بيقولوا ربنا الله ورسولنا محمد بما اننا بلد اسلاميه بالافتراض

هذه هى الورده التى يجب ان نتذكرها منه الله يرحمها

المسئله ببساطه ان فى بنوته بجد تدمع القلوب لفراقها قصة البنوته دى انها عندها 17 سنه أفتكروا 17 سنه عملت اعمال خيريه كتير جدا برغم صغر سنها وكانت بتاخد ناس ايضا لأعمال خيريه وكانت بتفضل تقول لازم اتفوق واعمل نهضه بنفسى البنت دى المفروض كان فرحها فى عيد الفطر اللى فات وبرده كانت بعد عيد الفطر هتدخل كلية اعلام لانها نجحت فى الثا نويه لكن قدر الرحمن انها تقابل الخالق فى العشر الاواخر من رمضان هى وأختها ووالدها ووالدتها بالاضافه الى خطيبها اللى كان معاهم فى نفس الحادث وأخت منه كانت فى عمل خيرى وقالت اهو اعمل حاجه تفيدنى لما اقابل ربنا كلهم مكنوش عارفين انهم هيموتوا او هيقبض روحهم ويفطروا عند الرحمن وهما صا يمين لا نزكى على الله احد ولكن نحتسبهم على خير لان خطيبها ايضا كان فى همه عاليه جدا بشهادة الفريق الخيرى وانه من احسن الشباب ومنه وعمرو كانوا اكبر مثال ان محدش هيستنى لما يبقى عنده عشرين سنه او تلاتين او خمسين الله اعلم هنموت امتى بس أتفاجئت من عدد الصفح اللى مكتوبه على النت فى اعملها الخيريه وكان عندها صدق وثقه بالله انا كنت اعرف اسمها بس فى المنتدى لكن سبحان الله ناس كتير ذكروها من غير ما يعرفوها دى 17 سنه وفى ناس خمسين سنه لا تذكر بأئى شئ بالمره اللى عاوزه اقوله البنت اللى حزينه عشان متزوجتش وعمرها عدى الثلاثين مش شرط لما تتزوجى هيكون ليكى فرصه تكملى حياتك الشاب اللى مش قادر يعمل حاجه ويقول بكره هعمل الله اعلم انت هتقبض امتى يا جماعه 17 سنه ويذكر اسمها بكل الخير ده اللهم اجعل مثواهم الجنه وجعل الله قبرهم روضه من ريا ض الجنه والمسئله مش لبس وفسح ومكياج وحجاب وخلاص المسئله انت ايه وهتموت ايه ونفعت الناس بأيه وسبحان الله منه دى أثرت فى كام شخص حتى بعد موتها حسناتها تتثا قل مش هنعيش لفكرة الموت هنعيش لفكرة نهضه ومقابلة الله ورسوله فأين نحن من هؤلاء

دعوة توك توك لكل شخص

لاء والله العظيم ما ينفع اعيط خلاص هعيط من الساعه سابعه للساعه تسعه عشان اركب مواصله لجامعتى لاء لاء مستحيل ولو لقيت مكان اركب فين ده الاتوبيس بحس انه بيصرخ بيقول ارحمونى وبيبقى مايل على جمب واحد من كتر الناس اللى متعلقه على الباب وحتى السواقين مش راحمين والله يعنى خلونى اتكلم مع نفسى هما عاوزين يوصلونا فين كل متر عليه اجره يعنى عشان تركب للجيزه تركب للطلبيه وبعدين للمحافظه وبعدين للجيزه ده ليه عشان تدفع اجره زياده استغلال بجد ولو رضيوا عليك يبقى من الطالبيه للجيزه مواصلتين ايه ويريتهم بيوافقوا او فيه مكان بجد مهزله حتى البنات بتبقى واقفه تركب تلاقى الشباب بيتخانقوا ويزقوا البنات عشان يركبوا الا من رحم ربى عشان نتكلم بأمانه لو شاب ملتزم واخلاقه عليا يتنحى جانبا بكل ادب واتفضلى اركبى بس ده طبعا ناااااااااااااااااااااادرا جدا واللى عاوزه اعرفه فى حديث عن الرسول بيقول صلى الله عليه وسلم لأن يطعن فى رأس أحدكم بمخيط من حديد خير من أن يمس أمرأه لا تحل له صدق الرسول صلى الله عليه وسلم خيرا ليك ان تضرب بأله حاده خير من أن تمس أمرأه لا تحل لك واحنا عندنا فى المواصلات تكتلات فظيعه وفى المدرجات واحنا طالعين المدرجه الزحمه بين الشباب والبنات برده موجوده لو كل واحد انتظر انه يمشى بتمهل لكى لا يمس من لا يحل له بنت او ولد مش هنلاقى التكتل ومس اجنبى للا جنبيه ولو بدون قصد وأتذكر ان أخت بتتكلم أن مفيش أحد بيقوم من الشباب عشان بنت تقعد بدل ما تقف فى زحمة الاتوبيس الا وسبحان الله ركبت وقام ليها شخص ملتزم لتجلس مكانه فأتكسف شاب تانى غير ملتزم وقلد الشاب الاخر لتقعد صديقتها الدين معامله لو احنا حافظنا ان احنا نتأدب بسلوك له زوق ودين هيقلدونا الاخرون لكن الكل بيجرى وبيتزاحم على الركوب او الذهاب للمحاضره لو ده هيفضل حالنا نداء من اخت لباقى الشعب شراء توتوك لكل بنت

بنفسر احاديث على مزاجنا

المره دى اتفا جئت لما لقيت بنت بتعطى لولد هديه طبعا مش اتفا جئت من الهديه لاء لان البنت كويسه مش زى بعض البنات اللى معروف انها ممكن تاخد وتقدم هدايا وممكن تخرج مع الشباب لكن مع استفسارى منها ازاى تعطى الهديه لشاب وبأئى حق تعطى الهديه ليه مفيش فى الدين شئ يسمح للبنت بتقديم الهدايا للشباب قالتلى الرسول قال كده!!!!!!طبعا اتخضيت بس قولتلها ايه الدليل قالتلى الرسول عليه افضل الصلاة والاسلام قالوا تهادوا تحابوا فعلا فى حديث فيما معناه ان احنا نتهدى بالهدايا فيما بيننا لنجمع القلوب على حب الله ونكون اكثر موده ولكن الرسول لم يقصد بنت تعطى هديه لشاب او شاب يعطى هديه لبنت بقصد انه زميل دراسه او زميل عمل فالهدايا بين البنت وصديقاتها البنات والشاب كذلك يهادى اقرانه ممكن نهادى اقاربنا اخواتنا لكن لو على تفسير الشباب اليومين دول هتبقى هيصه ومش من المفروض ناخد الحديث بنصه من غير ما نفهم تفسيره رجاء يا شباب ويا بنات بلاش نمشى وراء تيار نفوسنا واحنا حابين ايه ولو فكرت شويه البنت دى ان الرسول يمنع من اختلاطنا مع الرجال الاجانب كانت عرفت ان لا حديث ينص على اعطاء هديه لأجنبى عنها

أبتدينا

ابتدينا

اول مره اعرف ان ممكن نا س تأجر مجموعه من البلطجيه عشان تضرب حد كنت بشوفه فى الافلام واقول المخرج عاوز كده واللى حصل واللى عرفته ان ناس من دوله عربيه أجرت ناس مخصوص عشان تقتل نا س اختلفوا معاهم فى الكلام؟؟؟؟؟؟؟؟؟!!!!!!!!! والله ده اللى حصل معقول نبقى احنا بنقول يلا نكون ايد واحده وفى البلد الواحده بيشتروا بعض ويقتلوا بعض صحيح ليهم حق الغرب يهينوا ويعيبوا فينا ده ولاأسلام ولا حتى اى دين يقول كده لاء واللى زاد وغطى والله اتقال كده اصل حكومتك بتنصر اى حد غريب عن البلد على اى حد مصرى يعنى نتهدد فى بلادنا اننا مش هناخد حقنا سبحان الله على دى عقول ودى شخصيات ان حد يستقل بيه فى بلدى او غير بلدى كفايه اننا عرب بلاش مسلمين اى رسول واى دين بيحكم اننا نتكلم مع بعضبالاسلوب ده وكده يبقى بلطجية مصر يكسبوا بنشتريهم بالفلوس حسبنا الله ونعم الوكيل

والله مش بتريق

مش عارفه ايه حكاية الخيم الرمضانيه والسهرات الرمضانيه مع احترامى لكل فرد فيها وحرية اختياره المكان بس ازاى اسميها خيم رمضانيه وهى فيها اغانى ورقص وغيره وشيشه للبنات وسجاير هل اسم رمضان بقى مرتبط بالسهرات دى ولا رمضان عندنا بدل ما يبقى ذكر وصلاه وعباده عكسنا احواله ما احنا مش هنسيب طول السنه وحتى الشهر ده نربط فيه كل ما هوه حرام يعنى احنا صا يمين عن الاكل والشرب واللى محللله ربنا ونيجى مش نفطر على اللى محلله ربنا لاء بنعمل اللى محرمه ربنا طيب ازاى ومش فئه معينه اللى بتروح لاء دى اجيال شباب وبنات وكبار و صغار واللى لابس الحجاب او اللى مش لا بس الحجاب برغم ان احنا فى رمضان لو حصل شئ فى المكان ده الناس اللى فيه ضامنه انها هتكون فى حسن خاتمه زى ما الحسنه فى رمضان مضاعفه السيئه برده مضاعفه ولا احنا اللى بقينا بعاد اوى حتى فى الشهر الكريم ده وقيام الليل رقص وغنى اللهم اهدينا فيمن هديت اللهم ارزقنا حسن الخاتمه ياريت حتى نعيش حياتنا فى رمضان بس تكون صح يعنى احنا مش عارفين حتى نشكر ربنا انه اعطانا عمر للوقت اللى احنا عايشين فيه ليه نسئل قسوة القلوب او شباب ضائع وام واخده بناتها ورايحه مكان زى الخيم دى او زوج واخد زوجته هوه ده بيت اسلامى بلاش بيت اسلامى بيت فيه بركه طيب فى الاخر نستحق كلمة اسلام ؟؟؟ الله اعلم

اعلام محطم نفسيا وكله من وجع الا سنان

يا سلام يا سلام على الاعلام
الصراحه برافو انا عن نفسى فرحانه جدا بالاعلام هادف وبيوصل معلومه مش كل البرامج بتقدم برامج تافهه ومش كل البرامج بتقدم برامج ليها هدف لكن معظم البرامج تخنق وضحك على الدقون وبالذات العبط التلفزيونى وبعض المسلسلات اللى مفيهاش معنى والله الواحد بيتخنق لما يكون المعنى بنت بتتجوز من وراء اهلها وبعد كده اهلها عرفوا والموضوع عدى ومن الاهداف الجميله دى كتير ولا القنوات الفضائيه الجديده يا الله على كمية اللعب بعقول الناس والدين ال ايه اصلك ملبوسه ومش هتتجوزى واقرئى الكلام كذا هتتجوزى بعد شهر ايه اللى بيحصل ده ايه عرف الشخصيه دى باللغيب وواحد يقولها قولى اللهم اشرح لى صدرى واجلب لى رزقى فى ايه بتقول كده الايه الوحيده هى ربى اشرح لى صدرى ويسر لى امرى صدق الله العظيم لكن خرافات وخزعبالات وعقول بتعطيهم فرصه ليه كل ده وليه اصلا التخلى عن دينا واتمسك بكلام واحد يقولى هتتجوزى اولاء ليه قفلت للدرجه بقينا امه حالمه وغير عامله الواحد مش ناقص تفتيت فى العقول كفايه اللى احنا فيه والناس ماشيه وراء اى حاجه ماللى هيموت هيموت من غير ما حد يعرف الميعاد واللى ليها نصيب تتزوج ربنا هيرزقها برده من غير ما حد هيعرف الميعاد يا جماعه ايمان بالله ايمان بالايجابيه بأننا نعمل مش هنستنى معجزه ارحموا انفسكم وارفعوا علم ضد الاوهام واتفرجوا على المقطع ده مهم جدا

كل لبس شرعى اكيد وراه سر؟؟قالولى كده

يعنى ايه اكون فى الجامعه وبنت تيجى تقول انا مش معاكم علشان امن الدوله طيب ليه امن الدوله اصلكم ملتزمين يا سلام؟! المفروض اكون ازاى عشان امن الدوله واللى يتعب ان فى شباب مش فاهم عنده انفصال فى الشخصيه بجد يعنى اللى يعاتبنى على التزامى يفضل يقول المساجد مقفوله ومش بنعرف نصلى وحاجات كتير مش عاجباه امال خايف من ايه رد واحد رديته على البنت قولتلها لو امن الدوله بترفض وتمنع الحق وانى اتبع ربى فيما انزله اعتبرينى انى ضد امن الدوله لما اخاف دلوقتى من امن الدوله هخاف ربنا امتى لما الشباب مش عاوز يتكلم مين هيتكلم لما الشباب يكون همه فى لبس جديد وقصت شعر جديده والبنت الميك اب واللبس اللى على الموضه وبعدين ايه اخرتها كده نغزى العين ونبعد عنا امن الدوله سبحان الله حتى تفكيرنا متضارب انا حاسه انى فى كهف واللى جوه الكهف غير اللى خارج الكهف وليه يقولوا معقده وصعبه لما ارفض تصرف مش المفروض يكون من بنت او ولد مسلم ورفضى بيكون بنقاش ودليل من القران ومستعده اسمع الاخر ومش مهم مين يقنع التانى المهم انا او انت او انتى المهم اوصل للصح هوه احنا بقينا مبرمجين ان اى لبس شرعى وراه ما خفى كان اعظم طيب واخرتها يا شباب المستقبل اخرتها شهاده على الرف وخروجات واكله ونومه وحلم بشوفه فى المنام والحمدلله انا كده عايش اسمحولى اقول ان احنا كده موتى والله يرحمنا بقى

جارى المعتقل

ممكن يكون اخوك ابوك عمك خالك جارك اى حد عندك معتقل بس انا المره دى جايه اتكلم عن جارى المعتقل يا سيدى انسان بسيط للغايه يعنى عاوز يلتزم ويقرب من ربنا اتجوز بنوته الله اكبر عليها طاعه واخلاق وطيبه المهم جارى بيبعت جوابات لزوجته ولوالدته وتيجى والدته قوليلى كاتب ايه بمسك الجواب وخايفه ليكون فيه حاجه تزعلها امى الحبيبه متخافيش عليا انا اتأذيت كتير بس مشكله طالما ده لله على فكره يا امى انا كأنى عايش فى مكان من الجنه بصوم واصلى واقرء القرأن وبعمل شوية تمارين عشان متخنش واعرفى يا امى من يريد ان يصل الى قمم الجبال يجب ان يلعق الصبر طبعا انا بقرء الجواب ده وانا حاسه انى لاشئ يذكر بالنسبه للشخص ده هما فاكرين لما يعتقلوا حد بنخاف والله ابدا انا بحس انى عاوزه اعمل اكتر واشوف اكتر واوصل الحق بعلو الصوت المهم ساعات طنط تبصلى كده مش فاهمه حاجه اشرحهلها باللغه العاميه وتفضل تدعيله وتسئلنى يعنى هوه كويس مش محتاج حاجه اقولها لاء ده كويس وبيسلم عليكى بس ادعيله انا بقى عن نفسى بحس ان الناس دى من عصر الصحابه غير ان احلامهم وحياتهم غيرنا بتبقى فيها قرب من الله اكتر وحاسين ان ربنا مش هيسيبهم وبيوصلوا للحق وانا فخوره انى جارى اعتقل من اجل الحق ورساله لكل معتقل اثبت ولا تخف ان الله معنا برغم الدموع والالم اللى فى احضان اسرته بس بجد ربنا بينصرهم ولكل من يعتقل شخص احنا مش خايفين ولو البلد كلها قالت مش خايفين دمروها لانكم مش هتقدروا تكتموا صوته

ا

لسه بنحس ونتألم يا مصر

دى انسانه ولا لاء دى بشر وبتصرخ ولا لاء

ان مزقتوا جسدى فلن تكتموا صوتى

يعنى بالله عليكم احكموا انتم هوه احنا لسه بنتعامل كبشر؟ طيب بنتعامل على اساس ان احنا عندنا احساس ولا اللى بيضرب ويشلت ويجلد بيحسب ان الناس اتعدمت الاحساس اقسم بالله ان فيه فيديوهات لم استطيع ان احملها فى المدونه بسبب القسوه اللى فيها مش هستحمل اشوفها نقول ايه غير ابعدوا عننا ومش هنسكت وهنفضح ومش كل كرباج هيدوم وكل كرسى مصيره يدوب وكل عذاب مصير اللى وجدوه يلاقيه كما تدين تدان وان الديان لا يموت والناس اللى بتظلم دى مش مديه حد فرصه يقول ان فيه ظابط لسه بيتقى الله بالرغم ان فيه ناس بتتقى الله الامن رحم ربى يعنى بس وجود الظلمه اكتر اللهم عذبهم واقلب عليهم كيدهم

احنا هنفضل كده بجد؟؟؟ طيب احلف!!!!!!!

تجيبها كده تجيبها كده هى كده قالوا مفيش فايده مفيش حد هيسمعك اتكلمى وارغى وهاتى وشوفى مين هيرد طيب بصدق فعلا احنا هنفضل كده لاء مش بتكلم عن نظام مقلوب وناس منكوبه واطفال مشرده والواد اللى فى شرعنا اللى اسمه شعوذه لاءلاء انا بتكلم عن الحاجات اللى فى الشباب اللى احنا فيه ليه مفيش هدف ليه الشباب مش بيسمعوا بعضهم وانقسموا لفرق ناس شايفه الملتزمين متطرفين وناس شايفه الغير ملتزمين شباب ملهوش هدف وشباب نايم فى العسل وفريق بيحاول يتعايش مع المجتمع مش مهم انت مين بس اعرف انت عاوز ايه وبلاش تكون دايما الحكومه شماعه اه ارفانين تعبانين مخنوقين عادى وطبيعى بس انت انت عملت ايه انا سمعاك بتقولى وانتى شايفه حاجه تتعمل يوووووه ده انا شايفه كتير يا بنى اتحرك ويا بنتى اتحركى مش لازم يعنى اتخرج واشتغل بشهادتى اطمن مش هتلاقى شغل اصنع انت شغلك بأيدك خليك كفائه اعمل لنفسك هدف تسعى عشانه امال هنصلح البلد دى ازاى ياريت مننتظرش الهدف يجى لينا واحنا قاعدين على المقاهى ونعاكس فى كل اللى ماشى ده كفايه ان فى بلدنا معتقدات وتقاليد لا تناسب شرع ولادين ولا عقل ولسه موجوده عاوزين نغيرها مش نمشى وراها مش عاوزين نمشى فى ساقيه نروى فى زرع ميت ونحصد ثمار مليانه كيماوى يا جماعه اتحركوا يا شباب ويا بنات عاوزين هدف عاوزين يكون همنا نصرة الاسلام ونصرة البلد دى وبلاش انت وانا وكنا وكانوا اصل احنا زمان كنا بنعمل وعايشين على حطام الماضى ياريت نتحرك يا شباب ويارب حد يسمعنى من غير ما يمنعنى من الكلام مع تقبلى لكل الاراء وان لم تكن معى فى الرائى

سأعبدك ربى كما لم اعبدك من قبل

السلام عليكم ورحمة الله ردوا السلام انا جايه انهارده اقول ان رمضان قرب عارفه انكم عارفين بس حبيت افكركم ان رمضان ده عاوزين نرفع شعار سأعبدك ربى كما لم اعبدك من قبل وعاوزين بجد رمضان السنه دى ان شاء الله غير اى رمضان ونستعد كلنا فى عباده يبلغنا الله بيها رمضان ان شاء الله وربنا ييسر ونعرف نرتب مع بعض جدول من خلال المدونه نمشى عليه اه نسيت وبرده هنفضل نتكلم ونقول الحق يعنى مش معنى ان رمضان جه نكسل ندخل على المدونه دى نوع من انواع قول الحق والتعبير عن عدم الرضا عن الظلم المهم يكون فيه تنظيم فى وقتنا وربنا يجعل رمضان السنه دى عليكم تكونوا الى الله اقرب وعلى طاعته ادوم واستحلفكم ما تنسوش تدعولى وياريت لو اى شخص عنده اقتراح يبعتلى فى اى تعليق واوعوا تنسونى من الدعاء اه زى ما هدعيلكم تدعولىويا شباب عاوزين همه والمساجد تكون عمرانه بالدعاء والصلاه بجد نفسى كشباب نحقق حاجه ومش شباب بس كل المسلمين لان رمضان ليه طعم غير اى شهر تانى ربنا يطعمكم من الطاعه وياريت لما تيجوا تفطروا ما تكلوش كتير عشان تصلوا التراويح انا عارفه الحركات دى ناكل ونام ومنقدرش نصلى ولا نتابع كل القنواتاللى فيها مسلسلات جديده حاجه غريبه صحيح ربنا يكرمكم يارب

الطفل ده اتعذب واتكهرب يا سيادة الريس فين حقوق الطفل

الطفل ده اتعذب واتكهرب واتعملوا عمليات ومن التعذيب فتحوله جمبه والدته بتقول ابنى كان رايح القسم زى الحصان هقولها البقاء لله يا والدتى بس ده ذنبه ايه احنا قولنا يا ريس ان احنا نوريلك الظلم ان احنا بنتكلم بصوت عالى شويه لو سمحت اسمعنا احنا بنتبهدل كتير بعد اذنك خد لينا حق الطفل ده والادله ما بين ايدك اعتبره ياريس طفل بيقولك عاوز حقى يا ولى امرى

بالله عليكم الجسم ده والوجه ده شكله يعرف يعمل حاجه شكله يستاهل يتعذب ده ولا بيحتج ولا بيعارض ده لسه بيفكر يتعلم لسه بيقول الف باء هبدء حياتى بدئها يا حبيب العدل على ايد منظمتك ونهاها برده على ايدكم بأسؤ اسلوب انتم ولا قتلتوه ولا دبحتوه ده انتم قطعتوه حتت ورميتوه ليه يحصل كده فى بلادنا ليه نكون سلبيين ليه مش عاوزين تسمعونا

الطفل ده مسئول عنه كل ظالم من اول القسم اللى خرج منه ميت مش قادر يتحرك لحد المستشفى اللى رميته فى الطريق وبتقول اصله كان بيقطع فى المراتب مراتب ايه ارحمونا هوه ده شكل واحد بيتحرك هوه ده قادر يقول اه بلاش بقى فبركه ياريس يا حبيب العدل عاوزين حق الطفل ده هوه احنا عاملين اتفاقيه ننقص من عدد الشعب عشان هنعمل حسابنا للتزايد السكانى لو الموت مصيرنا احنا عاوزين نموت بكرامتنا عشان البلد دى بتاعتنا بنحبها مهما حصل واحنا مش قليلين عشان نحرك العلم بأكمله يحكم بالعدل

بالله عليكم هى مش مجموعة صور مؤثره وبس لاء دى صور بتصرخ وبتتكلم لو انت هتفضل سلبى

عاوزين حقوق الطفل ياللى كل يوم بنفتح التلفزيون وتقولوا مهتمين بدراسة والمواد الترفيهيه والتعليميه وثقافة الطفل المصرى ده الترفيه اللى بتنادوا بيه ربنا يبارك لكم احنا مش عاوزين نتخدر لان بقى عندنا مناعه ضد الكلام الحلو

اوعى اجرى البلديه جايه

فى كل اسواق مصر فى باعه جائلين ناس بسيطه ولا عاوزه تسرق ولا تزور ولا اى حاجه غير انها تعيش مستوره تعالوا نشوف دول عقا بهم فى مصر ايه جت البلديه فى يوم يا عينى كل العربيات بتجرى بتاع النعناع وبتاع الطماطم وعربيه كارو فيها خيار جت البلديه ومسكت الولد صاحب العربيه الكارو ونزل من عربية البلديه اتنين ولا بيخا فوا ربنا ولا بيخافوا حد وشا يفين نفسهم اوى شيل ياد الخيار اللى على العربيه يا باشا معلش اخر مره طبعا دول بيتكلموا مع بتاع الخيار غير اللى عمالين ياخدوا رشاوى فى الشارع التانى غير اللى بيضربوا بتوع الخضار المهم بتاع الخيار يا باشا معلش اخر مره وهما يلا يواد لم شيل الخيار من العربيه لنقلبلك العربيه فى الشارع حاضر يا باشا طبعا والواد مش عارف ينزل حاجته فين يرميهم فى الشارع ولا يعمل ايه وال ايه الاتنين اللى شايفين نفسهم ان شاء الله فى نارجنهم ماسكين العربيه ويقلبوا العربيه بنعمة ربنا فى الارض طبعا الولد اتنرفز زعق بيقول حرام ازاى بقى يقول كده نزل خمسه عليه تبع البلديه ضرب وتلطيش وحياة امك هنوريك وبالشلاليت والبونيات الواد فضل ينزف وهما يضربوا وراحوا مركبينه العربيه وراحوا شا يلين العربيه الكارو طبعا كل اللى فى الشارع معترض وبيدعوا عليهم ربنا ياخدهم امين بس لفت نظرى حاجه ان اللى بيشيل العربيه الكارو مش بتوع البلديه بس فى وسطيهم واحد لا بس جلبيه قصيره ومربى دقنه والراجل ده عامل فيها شيخ طيب ازاى تقبل الظلم وازاى تساعدهم لاء وبيساعد الناس بقلب اوى ربنا يوقف قلبه المهم عرفت ان الراجل ده ولا شيخ ولا حاجه وانه مخبر ميهمناش المهم دلوقتى الشباب اللى عاوزه تاكل لقمة عيش بالحلال اضربت واتهانت والمدمنين والشمامين وبتوع المخدرات والسوابق مليين الشوارع طيب واحد زى اللى مسكوه ده يقول ولا هعيش بالحلال ويطلع من عندهم يبلطج على الناس او يدفع رشوى انا بقى نفسى اعرف مين يقدر يشيل الارف اللى بيجى فى الحكومات ده اللى بنقول نصلح الشباب ولا ظابط بنجمتين يبوظ الشباب عشان فلوس ياخدها مش عارفه ناقص ايه يدمرونا بيه المفتريين دول حسبنا الله ونعم الوكيل

اللى بيخاف هوه اللى عاوز يخاف

مش عارفه هخاف من ايه وليه لازم نخاف عشان نعيش واعيش ازاى وانا مش عارفه اتنفس يبقى هعيش ليه ويوم لما اخاف هخاف من مين من امن الدوله ولا الرئيس ولا هخاف على ايه طيب ما كل شئ لله مش جدعنه ولا شطاره ولا غويين اذى عشان اوعى متكتبيش حسبى متشتركيش اوعى تتكلمى لازم تسكتى اصل وفصل وناس غلبانه ولا كأننا بنسمع امنا الغوله ويوم ما اعيش هعيش من غير كرامه وخايف وجبان ولا اعيش انسان متكرم مش مهان اصل المسئله ببساطه عاوزين يقفلوا بوقى بسداده وانا هفضل اقولها بكل الاطه مش انت اللى هتخوفنى ده الخوف من رب العباد طيب انت مش خايف من التعذيب؟ ايمانى بالله اقوى من اى شئ مش مستنى كلمة عطف وحنيه او كلمه تدافع وتقلل من الهمه لان كله لله ومن ترك شيئا لله عوضه الله خيرا منه واحنا هنفضل نقول لاء ونعترض ونتكلم لحد لما ميزان العدل يعدل وميزان الظلم يدمر انابسئل نفسى ليه لو بدعى واكلم حد فى شئ صح اوطى صوتى وكأنى بسرق ولما اغنى واهييس واعبط فى كل شئ صوتى يعلى ويجلجل اصل المسئله ببساطه مش هكون جبان لنجمه وعلامه وبدله بيضاء وقيود وراء قضبان عشان لسه لحد دلوقتى الواحد بيعانى من سياسة الجبن والخوف ووجوده وراء ستاره كلها اكاذيب ومفيش ضمير يألم صحبه ويقوله ارحم نفسك وهقول وهيعلى صوتى مش مستنيه حد يقولى اسكتى او اعملى مش هنسكت ومش هنسيب ومش هندمر الا الظلم كلامى على لسان اخت واخ وهنفضل نقول الله اكبر على الظالمين وحسبنا الله ونعم الوكيل

فضفضة قلبى قلمى يبكى ويضحك

بيصعب عليا نفسى وانا موجوده لوحدى افضل افكر هوه احنا ليه كده ما احنا مش بنتكلم ونعمل بروباجندا ولا بنكتب تنفيس عن غضب هيفرقع بداخلنا قلوبنا بنكتب عشان حاملين هم قضيه ساعات قلمى اكلمه واقوله اكتب والله هتصدقونى انى بحس انه بيبكى هفضل اكلمه واقول ليه انت اللى باقى ليه ده انت صرختى فى غضبى وضحكتى فى فرحى نفسى اعمل حاجات كتير وبخاف على حاجات كتير مش مهم تكون بتاعتى بخاف على قلب غيرى يتكسر وبخاف على قلم غير يخلص حبره عشان كده باخد قلم احتياطى فى الامتحان لاء انا بتكلم جد ساعات بناجى ربنا وقوله ثبتنى وساعات بحس انى عاوزه اقول لكل واحده من اخواتى انى بحبكم فى الله سا عتها بفتح النت وبلغ خطابى لاحبابى وساعات ببقى بحس بناس وخايفه عليهم واخاف على خوفهم انى مكونش حاسه بقربهم وساعات ببكى على لحظة غضب لغير الله ولحظة ندم لشئ مش باقى ولحظة جرح لما اكون بكيت بدموع على حد ميستاهلش بس اعتقد انى دموعى بتبقى خوف من يوم هيتظلموا فيه زى ما ظلمونى صباح الخير يا بلدى وانا صغيره كنت بحب برنامج العلم والايمان ويجى مصطفى محمود يتكلم وابقى مستمتعه جدا حتى لو مش فاهمه وكنت بتخنق من صباح الخير يا مصر وانا رايحه المدرسه ولكن اجمل ايامى وانا فى المدرسه الواحد مكبرش اوى بس حاسس ان المسئوليه كبرت وبشيل هم كل واحد مطنش او منفض زى ما بنقول للحياه وماشى فى طريق واحد مش عارف نهاية لينحرف ليعبد ربنا من غير نهضه والبلد مش مساعده وحاجات كتير واهانة ظباط لمدنيين واكل اموال الناس والرشاوى وحاجات كتيربس برده من ضمن كلامى امى دى بقى احن شخصيه فى حياتى فى كلامها فى ابتسامتها ويوم لما تضحك من موقف يكون بسببى بطير من الفرحه وطيبة قلبها وخوفها وسؤالها وحكمتها وكرامها وافعالها وفى كل حاجه وده خلانى بحب اى ام مسلمه اول ما اسمع كلمة ام بتذكر امى فورا واحن ليها وماما بتضايق جدا لو قبلنا رجليها بتضايق بالرغم من ان انا شيفاها عادى وان احنا مش هنيجى ربع فى المائه من تعامل الصحابه لامهاتهم وان انا مازلت اكرر لست ملاكا وانى 100 على 100 فى طاعة الوالدين اكيد لينا اخطاء بحب ماما جدا ربنا يبلغنى رضاها وبحب الصحبه اللى انا موجوده معاها والتألف اللى ما بينا والاناشيد اللى بننشدها والكلام عن ربنا صلاة الجماعه ولما نقول انى احبك فى الله بجد حياه تانيه وده اللى مهون عليه انى لسه فى خير وبنات وشباب عاقلين وان لسه البلد دى جواها قلوب عامره بذكر الله انا عارفه دوشة اللى هيقرء التدوينه دى بالرغم ان عندى كلام كتير بس كفايه كده واقبلوا منى فضفضتى واللى مش هيقبلها مليش دعوه هيقبلها وهدعيلوا دعوه لله اى خدمه محدش يتكسف اقرء وعادى يعنى متتكسفوش اطلبوا شاى قهوه موجودين بس لازم تقروا التدوينه

هو وهى مش هنعنس

انا بتكلم ومش عارفه احنا عندنا ثقافه معينه ولا احنا لينا اسلوب حياه معين انا هتكلم عن حاجه شفتها وسمعتها بدل

المره مليون ايه يا بنتى انتى قطر الجواز فاتك ازيك يا حبيبتى مش هتتخطبى بقى عامله ايه يا اموره انتى اهوه على وش جواز ماشاء الله بنتك كبرت وبقيت عروسه مفيش حد اتقدملها وكلها جمل بتغيظنى دع المخلوق للخالق اللى لسه متخطبتش دى هتقول لائى شخص ماشى تعالى اخطبنى واللى بيقولوا عليها فاتها قطر الجواز مطلوب منها ايه تقطع تذكرة ذهاب وعوده فى المترو وتلحق بقطر الرجال نفسى نفهم ان ده نصيب ونفسى اقول الكلام ده لكل ام يا ام حماده ويا ام محمد ويا ام شادى ويا ام عتريس ده نصيب ولو اتخطبت هاه عملتى ايه مع خطيبك كويسه طيب احكيلى وطبعا تضطر البنت تبص للى اتخطبت يا جماعه سيبوا البنات لهدف تانى طيب دى من اول ما تشم نفاسها وتقول انا كبرت وليه شخصيه يلا جالها عريس يلا هتتجوز طيب انا مقدره ان الولد والبنت هيتجوزوا لكن بلاش سياسة القمع دى على البنت وكأنها هى اللى فى ايدها تتخطب وتتطلق وتتجوز وفى ايديها تمشى كل حاجه المفروض يكون عندنا اهداف تانيه بجانب برج الجواز فيه الدعوه الدراسه اسلامنا مشاكل الدنيا ما هى البنت مهما قعدت مش هتخلل ولا هتحمض ولا هتنقص لاء هتفضل بنت وعشان مأكونش متحيزه سيبوا الاولاد يشوفوا حياتهم زى ما هما عايزين بلاش سياسة خالتى وخالتك والبنت للولد من ضغرهم يا با الحج بتعه لعويس يا شباب احنا مش هنحجز بلاص مش ده بيت اسلامى وتألف قلبين فى طاعة الله وضغط الاهالى ان الشاب يتجوز واحده معينه مع احترامى ليهم ولرغبتهم وان البنت تتزوج واحد معين من جائكم من ترضونه دينه وخلقه فزوجوه مش لازم العربيه والشبكه ب15 الف والشقه 7 غرف كأنها هتعمل فريق كوره اساسا ماشاء الله الشباب مش عارفين يتجوزوا كمان نعقدها ده ايه المكوك الفضائى اللى بنضربه فى كل شاب ولو البنت اهلها موافقين بالقليل تأتى المشاكل اصل اهلك بعوكى بالرخيص ده انتوا مطلبتوش حاجه طيب يا جدتى دول ريحوا قلب ابنك وهى مش سلعه للى يدفع اكتر وابنك المشترى ارجوكواااا سيبوا الشباب يختار بنت او ولد ونا قشوا المواضيع وشوفوا مناسب ولا لاء بعد الاستخاره ومعرفة اخلاق الطرفين لكن بلاش سياسة الدوله اللى احنا عايشين فيها وهقول تانى ولا فى بنت بتعنس ولا ولد بيعنس والبقيه تأتى من سلسلة العنوسه ورفض حجاب او غيره للزواج

يا بختك يا مصرى مبروك المرض

ببارك وأهنى والف مبروك على كل مصرى لان احنا طلعنا الاوائل فى التلوث فى العالم يعنى اهوه اول مره نغلب الدول الاروبيه والمتقدمه ومن بعض الاراء اللى سمعتها المهم ان احنا طلعنا الاوائل فى حاجه وخلاص شهاده يا سيادة الريس من بلاد العالم ان مصر حصلت على المرتبه الاولى فى التلوث العالمى يا بختنا مين قدنا يلا يا شعب مصر انزل وانتعش واسحب كمية هواء لا بئس بيها يجيلك الربو وامراض الكوليرا واترمى فى اى مستشفى وتموت وتتسرق اعضائك ونقولك الف مبروك انت معنا فى مسابقة امراض مصريه ناقص ايه تانى عشان يحصل لينا انهى حياه نبقى عليها ونحافظ عليها ونبشر كل من يعيش على ارض مصر سوف يغزو مصر تقدم هائل فى امراض جديد ه ال ايه البلد بتتقدم وال ايه كمان كل بلد وفيها عيوب كل البلد فيها عيوب وكل حكومه فيها بلاوى الا مصر الامصر مفيهاش عيوب وحكومتها تمام عقبال ما تدفنونا واحد واحد وعلى ايه تدفنونا سيبونا نموت واوعوا تجهدوا نفسكم وتدفنونا بشوية تراب عمار يا مصر عشان ما نعلى ونعلى لازم نطاطى نطاطى نطاطى اطاطى اكتر من كده ايه ظهرى اتكسر يا ريس

عماد الكبير وقضية اعدام كرامه

صرخات ودموع رجل

مش عارفه اقول ايه غير ارحمونا زهقنا ده ولا دين ولا اخلاق ولا تربيه تحم باللى بتعملوه فى خلق الله يا با شا اسلام بيه كفايا بقى وكفايا بنقولها لكل اللى بيعمل زيك والله حرام هوه ظام فى المعيشه وظلم فى الهواء وفى المايه كمان مش عارفين نشرب مايه نضفه وارتضينا كمان مش موجوده المايه اللى مش نضيفه كمان كرامة رجلتنا بتقتلوها والله ده الحيوان فى اى بلد تانى بيتعامل برحمه مبنطلبش حقوق الانسا ولا حقوق الحيوان عملونا على اساس ان ربنا خالق بشر بتتألم وبتصرخ ده ايام الجاهليه مكنوش بيعذبوا الناس التعذيب الدنئ ده الواحد دلوقتى بيقول زهق بكره مش عارف يعمل ايه وبرده البلد دى هتنضف ان شاء الله من كل الميكروبات اللى بتسيطر عليها كفايا الفلونزا الفراخ بلاش الفلونزا الحكومه

حرامى بيضرب حرامى عشان سرق

طبعا حسب خبرتى المستفزه ومن الكاميره الديجيتال اللى مش موجوده عندى اصلا وانا صاحيه من النوم سمعت حد بيزعق طبعا كان لازم الواحد ينزل بنفسه يحل المشاكل دى المهم لقيتهم بيقولوا حرامى حرامى راح الناس مسكاه ضربينه وطلع الواد اللى مسكوه مش الحرامى ده عيل صغير مش فاهم حاجه كان معاهم والحراميه الكبار جريوا جه بقى واحد اساسا مقبوض عليه بالسرقه 5000 الاف مره مسك الواد الصغير ونزل ضرب فيه وراح مفتشه واخد منه الموبايل ومشى طلع بيثبت اللى واقفين عشان يا خد الموبايل جت بقى واحده زى ام حماده حرام عليكوا ده عيل صغير اهو انتوا ما تقدروش غير على الغلبان اصلكم واصلكم وكل ده وبيضرب فى العيل الصغير ناس من الحجم الكومبو والعيل كله 150سم ولا حاجه المهم اخد جزائه جت عربية الاتارى وراحت رمياه فوره فى شنطة العربيه يعنى يوصل مخنوق ان شاء الله اصل احنا بنهتم بحقوق الانسان

بنت وولد فى الجامعه مش مقتنعه

قصه مش جديده وحكايه مش غريبه الولد يتعرف على البنت طبعا عاوز يخرج ويدخل ويتكلم ويتصل بليل الخ الخ الخ والبنت حبيت الولد والولد حب البنت طبعاده كله كلام فاضى اللى عاوز حد بيدخل من الباب وتأتى القصه كالتالى تعرفى يا شهيره ان محسن بيحبنى جدا لاء وبيخاف عليه موت واحنا خرجين من ورابابا وماما اتخانق معايا عشان بضحك بصوت عالى لاء وايه وعدنى 2مليون مره هيجى البيت اسكتى محسن ده حكايه طيب وبيحبنى وهى بتاكل رز بلبن وبتقنع نفسها بعد 3 شهور شفتى يا شهيره محسن راح يتكلم مع سعاد ويخرج معاها واكلمه يقولى موعدتكيش بحاجه يا بنتى مش انتى بتقولى طيب وكويس وراجل وابن حلال انا قولت كده ده انا كنت بسكت نفسى هوه ده راجل هوه ده يعرف حاجه ده اكلنى لحم ورمانى عظم وحبت كبده ده ميناسيبنيش اساسا يا نهار ابيض هوه انا معقول ارضى لنفسى الواد ده ده انا جايلى سيد سيده وتبدء قصه اخرى بنفس النظام 24 قدم اللى عاوزه اقوله ان البنت حياء وكرامه وعفه واخلاق بعيد عن انى مش مقتنعه بطريقه سعاد ومدحت اوعوا تقولوا مين اكيد برده قصه تانيه بس الحب قبل ان يكون مشاعر فهو اخلاق مش معنى ان ميكونش فيه نصيب يبقى نذكر الاخرين بأسؤ مافيم لازم نعرف اللى كان موجود فى يوم من الايام كان سر لشخصين وعموما معروف لو سعاد عرفت مدحت بنفس طريقة محسن وبتعه اكيد مش هيكون فى اخلاق لانها محاولتش تحافظ على حيائها وعفتها وكرامتها فمتنتظرش انها تحافظ على السر وبدعى من قلبى ربنا يعف شباب وبنات المسلمين

السياسه جوه كوباية الشاى طب ازاى!!!!!!

مش عارف كل اما اعمل حاجه يقولولى ابعد عن السياسه خوفونى وجننونى طيروا النوم من عيونى قعدت على قهوه وقولت اطلب شاى واحد شاى يا واد يا حسن)القهوجى) ايووووه جاى ولسه بشرب الشاى ولقيته ماسخ انت ياواد يا حسن الشاى نا قص سكر طيب يا باشا هجيبيلك سكر (باشا اهوه فى واحد بيقدرنى ولسه بحط السكر ولقيت رمل فى السكر زعقت للواد حسن وطلعت غلبى فيه انت ياواد بتغش السكر انت ياواد بتبيع الشاى وتخصخصه انت ياواد بتزور فى الشاى الخ الخ راح الواد بصلى وقال الحقوا بيعيب فى النظام الحقوا ده سياسى بيتكلم فى السياسه مش عاجبه السكر اللى بتصنعه الدوله وبيقول عليهم كلام والواد حسن كان هيلبسنى قضيه حلفت من ساعتها لا احب الشاى ولا هوه يحبنى تمام سلام